Zëvendësdrejtori i Shërbimit Sekret të SHBA-së, Matthew Quinn, ka reaguar pas incidentit me të shtëna gjatë darkës së Korrespondentëve të Shtëpisë së Bardhë.

Ai tha se një person i papërgjegjshëm tentoi të shkaktonte një tragjedi kombëtare, por u ndal menjëherë nga Shërbimi Sekret.

Quinn vlerësoi forcat e sigurisë dhe partnerët e zbatimit të ligjit për reagimin e shpejtë dhe efektiv.

“Sonte, një person i papërgjegjshëm tentoi të shkaktonte një tragjedi kombëtare. Ai e nënvlerësoi aftësinë mbrojtëse të Shërbimit Sekret të SHBA-së dhe u ndal menjëherë që në kontaktin e parë. U pa qartë forca e sistemit tonë të sigurisë me shumë shtresa, ku edhe më tej kishte masa të tjera mbrojtëse në gatishmëri. Jam mirënjohës për burrat dhe gratë e guximshme të Shërbimit Sekret, si dhe për partnerët tanë të zbatimit të ligjit.”, thuhet ne deklaratën e Zëvendësdrejtorit të Shërbimit Sekret të ShBA-së, Matthew Quinn lidhur me incidentin me të shtëna gjatë darkës së Korrespondentëve të Shtëpisë së Bardhë.

Për rastin është arrestuar një 31-vjeçar që sipas raportimeve punon mësues privat dhe programer.

Cole Tomas Allen, sipas profilit të tij në LinkedIn, Allen u diplomua nga Instituti i Teknologjisë i Kalifornisë në vitin 2017 me një diplomë bachelor në inxhinieri mekanike dhe mori një diplomë master në shkenca kompjuterike nga Universiteti Shtetëror i Kalifornisë-Dominguez Hills vitin e kaluar.